Ukrayna Baş prokurorunun müavini David Sakvarelidze prokurorluq orqanlarından qovulub.

Avropa.info xəbər verir ki, Sakvarelidzenin yerinə Odessa vilayətinin prokuroru O.Juçenko təyin olunub. Prokurorluqdan bildiriblər ki, Sakavrelidze vəzifə etikasını kobud şəkildə pozduğu, qanunla yol verilməyə hallara qarışdığı, öz üzərinə düşən vəzifə və məsuliyyətləri yerinə yetirmədiyi üçün intizam məsuliyyətinə cəlb olunub.

Daha əvvəl xəbər getmişdi ki, Odessa vilayətinin deputatları David Sakvariledzenin qovulması ilə bağlı Baş Prokurorluğa dəfələrlə müraciət ediblər.

Qeyd edək ki, 24 martda Sakvarelidze “Brilyant işi” ilə bağlı prokurorluq orqanlarının əməkdaşlarını qovmağa davam etdiyini bildirmişdi. O, prokurorluğun daxili tədqiqatlar şöbəsinin iki əməkdaşını qovduğunu demişdi.

Xatırladaq ki, Sakvarelidze 2015-ci ilin 16 sentyabrında Odessa vilayətinin prokuroru təyin edilib.