Rusiya ilə sərhədlərə yaxın NATO-nun bütün səkkiz batalyon qrupunun ümumi sayı hazırda 9,6 min nəfərdən çoxdur.

Bu barədə TASS alyansın Madriddə keçirilən sammiti ərəfəsində yayılan sənədə istinadən məlumat yayıb.

Latviyada 1887 nəfər, Bolqarıstanda 968 nəfər, Estoniyada 1430 nəfər, Macarıstanda 900 nəfər, Litvada 1631 nəfər, Polşada 1033 nəfər, Rumıniyada 1148 nəfər, Slovakiyada 643 nəfər olduğu bildirilir.

İspaniyanın “El Pais” qəzeti yazıb ki, NATO Madrid sammitində soyuq müharibənin bitməsindən sonra ən böyük hərbi yerləşdirmə barədə qərar verməyə hazırdır.