Ermənistan hökuməti iyulun 21-də keçirilən iclasında Milli Təhlükəsizlik Xidmətinə ehtiyat fondundan 152 milyon dramın ayrılması barədə qərar qəbul edib. Ordu.az-ın məlumatına görə, əsaslandırmada qeyd olunur ki, qərarın qəbul edilməsi Ermənistan Dövlət Mühafizə Xidmətinin normal fəaliyyətinin təmin edilməsi zərurəti ilə əlaqədardır.

Qeyd olunub ki, Ermənistanın 2022-ci il dövlət büdcəsində nəzərdə tutulmuş hökumətin ehtiyat fondundan Dövlət Mühafizə Xidmətinə ayrılan məbləğ normal fəaliyyətin həyata keçirilməsini təmin edəcək.