100 illik qadağadan sonra yenidən Sena çayında üzməyə icazə verib.

Publika.az xarici mediaya istinadən xəbər verir ki, Paris hakimiyyəti bir əsrdir qüvvədə olan qadağanı ləğv edərək, Sena çayında çimməyə yenidən icazə verəcək. Bu, Olimpiya Oyunları ərəfəsində həyata keçirilən çayın təmizlənməsi üzrə genişmiqyaslı layihə sayəsində mümkün olub.

Parisin mərkəzində, Sena çayında Olimpiya və Paralimpiya oyunları zamanı triatlon, marafon üzgüçülük və paratriatlon yarışlarının keçirilməsi planlaşdırılır. 2025-ci ilə qədər çayda açıq havada üç üzgüçülük sahəsi açılacaq.

Qeyd edək ki, bir çox digər şəhərlər kimi, Parisdə də çayın keyfiyyəti ötən əsrdə artan əhali və yuxarı axındakı böyük miqdarda sənaye çirkab suları səbəbindən kəskin şəkildə pisləşmişdi.

Vəziyyəti düzəltmək üçün güclü yağışlar zamanı axan suların yığılmasına xidmət edəcək geniş yeraltı su anbarı da inşa edilib.