Almaniyada aviasiya təhlükəsizliyi işçilərinin tətili ölkənin 11 hava limanına təsir edəcək. 1000-dən çox reys gecikəcək və ya ləğv ediləcək. Etiraz aksiyaları fevralın birində keçiriləcək.

Nümayişlər Hamburq, Bremen, Hannover, Berlin, Köln, Düsseldorf, Leypsiq, Drezden, Erfurt, Frankfurt və Ştutqart hava limanlarını əhatə edəcək. Hannover, Hamburq və Berlin hava limanları ümummilli tətillə əlaqədar fevralın 1-də bütün uçuşları ləğv edəcəklərini artıq elan ediblər.

“Ver.di” həmkarlar ittifaqı hazırda Aviasiya Təhlükəsizliyi Şirkətləri Federal Assosiasiyası ilə ölkə üzrə təxminən 25 min sənaye işçisinin əmək haqqının artırılması üçün danışıqlar aparır. Həmkarlar ittifaqı əmək haqqının saatda 2,80 avro artırılmasını, daha yüksək funksional bonuslar və iş vaxtından artıq iş üçün bonuslar tələb edir.
İndiyədək 3 raund kollektiv danışıqlar aparılsa da, razılıq əldə olunmayıb. Danışıqlar fevralın 6 və 7-də davam etdiriləcək.

Mənbə: Bild