İsrail Daxili Təhlükəsizlik Agentliyinin keçmiş direktoru Nadav Arqaman İsrailin baş naziri Benyamin Netanyahunun bu vəzifəyə uyğun olmadığını və ölkəni məhvə sürüklədiyini bəyan edib.

İndex.az xəbər verir ki, İsrail televiziyasının 12-ci kanalına danışan Nadav Arqaman deyib ki, ölkədə seçkilər sürətlə keçirilməlidir, lakin Netanyahu mənəvi cəhətdən yenidən eyni vəzifəyə namizəd ola bilməz.

Arqaman, İsrailin qurulmasından bəri ən böyük fəlakət olaraq xarakterizə etdiyi 7 oktyabr hücumunun birbaşa Netanyahunun məsuliyyət daşıdığını vurğuladı: “Netanyahu vəzifəsindən getməsə, bu, bizim üçün qiyamət olacaq. İsrail dövləti tez bir zamanda hərəkətə keçməsə, düşünürəm ki, biz çox pis vəziyyətə düşəcəyik”.