Səudiyyə Ərəbistanının xarici işlər naziri şahzadə Feysəl bin Fərhan vurğulayıb ki, Fələstin dövlətinin yaradılması israillilərin onu qəbul edib etməməsi ilə deyil, beynəlxalq hüququn qayda və prinsipləri və BMT qətnamələri ilə bağlıdır.

İndex.az xəbər verir ki, Ər-Riyadda keçirilən İnvestisiya Təşəbbüsü Forumunda iştirak edən nazir Bin Fərhan Fələstinin ən qısa zamanda Birləşmiş Millətlər Təşkilatına üzv olmasını istədiyini deyib.

Bin Fərhan bildirib ki, İran Səudiyyə Ərəbistanına bölgədəki gərginlik dövrəsini davam etdirməyin onun maraqlarına uyğun olmadığını bildirib və iranlı həmkarı Abbas Arakçiyə bölgədə gərginliyin artmasının qarşısının alınmasının vacibliyini vurğulayıb.