ABŞ-ın müdafiə nazairi Eşton Karter ABŞ və Rusiya arasındakı gərginlikdən danışıb.

Ölkə.Az xəbər verir ki, Pentaqonun rəhbəri Rusiyanın aqressiv hərəkətlərinin qarşısını almaq üçün nüvə silahının çox vacib bir vasitə olduğunu vurğulayıb.

"Bu gün nüvə silahından istifadə ehtimalı çox yüksəlib. Şimali Koreya və Rusiyanın bu sahədə yaratdığı təhlükə nəzərə alınarsa, vəziyyət soyuq müharibə dövründəki kimidir", deyə Karter bildirib.

Daha sonra Pentaqon rəhbəri Rusiyanı və Şimali Koreyanı nüvə təxribatında ittiham edərək belə ölkələrin qarşısının alınması üçün nüvə arsenalının vacibliyini bir daha qeyd edib.