Filippin 2017-ci ildə ABŞ-la birgə hərbi təlim keçirəcək.

Axar.az xəbər verir ki, bunu jurnalistlərə açıqlamasında Filippin Xarici İşlər naziri Perfekto Yasay söyləyib. Onun sözlərinə görə, bu, Filippinin ABŞ-la son hərbi təlimi olacaq:

“Bizə hərbi müttəfiqlər və düşmənlər lazım deyil. Filippin hər kəslə dost olmaq istəyir. Bu, Cənubi Çin dənizində mübahisələrin həlli üçün gərəklidir”.

Qeyd edək ki, Filippin indiyə qədər ABŞ-ın Şərqi Asiyadakı əsas müttəfiqlərindən biri hesab edilirdi. Vaşinqton artıq əlli ildən çoxdur ki, bu ölkədə özünün ən böyük hərbi bazalarından birini yerləşdirib.