Finlandiya parlamenti hökumətin ruslar üçün daşınmaz əmlak alqı-satqısını tamamilə qadağan etmək təklifini yekdilliklə təsdiqləyib.

Demokrat.az xəbər verir ki, bu barədə ölkənin Müdafiə Nazirliyi məlumat yayıb.

Müdafiə naziri Antti Hakkanenin dediyi kimi, bu qərar Finlandiya hakimiyyətinin ölkədə vəziyyətin sabitliyinin pozulmasına imkan verməyəcəyinə dair açıq siqnaldır. Bildirilir ki, yenilik, hətta qadağa tətbiq olunana qədər əmlakın qanuni yolla əldə edildiyi hallarda belə hökumətə müdaxilə etməyə imkan verir.

Rusiya vətəndaşlarının ölkədə daşınmaz əmlak almasını məhdudlaşdıran qanun layihəsi fevralda parlamentə təqdim edilib.