Gürcüstanın sabiq prezidenti, Ukraynanın Odessa vilayətinin keçmiş qubernatoru Mixail Saakaşvili özünə yeni iş yeri tapıb.
teref.az İstiPress-ə istinadən məlumat verir ki, gürcü siyasətçi Ukraynanın ZİK telekanalında aparıcı olub. Bu barədə Ali Radanın deputatı Borislav Bereza Facebook səhifəsində yazıb.
Onun sözlərinə görə, bu günlərdə ZİK telekanalından ona zəng gəlib və yeni tok-şouya dəvət ediblər. Həmin tok-şounun aparıcısı Mixail Saakaşvilidir.
“Yeni trend – siyasətçi aparıcı. Rabinoviç, Lyaşko və indi Saakaşvili”, – deyə Bereza bildirib.