“London terrorçusu”2 il Bosniyada döyüşübmüş
25-03-2017, 21:45
Londonda martın 22-də terror hücumu törədən Xalid Məsud 1992-95-ci illərdə Bosniya münaqişəsi dövründə qəddarlığı ilə tanınmış “Əl Mücahid” radikal dini qruplaşmanın tərkibində döyüşüb.
APA-nın “TASS”a istinadən verdiyi xəbərə görə, bu barədə Serbiyanın “Blic” nəşri məlumat yayıb.
Məlumata görə, X.Məsud 1993-cü ilin mayın 1-də könüllü Bosniyaya gedərək, Bosniya və Herseqovina ordusunun 3-cü korpusunun tərkibində döyüşən ərəb silahlılarından ibarət “Əl Mücahid” dəstəsinə qoşulub.
X.Məsud 1995-ci ilin dekabrın 25-də Bosniyadan Britaniyaya qayıdıb.
