Bu gün Avropa İnsan Haqları Məhkəməsi (AİHM) Ermənistana qarşı “Avakemyan Ermənistan əleyhinə” şikayəti üzrə qərar çıxarıb. AzVision.az “Faktİnfo”ya istinadən xəbər verir ki, Avakemyanın rəsmi nüamyəndəsi və vəkili Ayk Alumyan bildirib ki, Avropa Məhkəməsi insan hüquqları üzrə Avropa Konvensiyasının 6 və 13-cü maddələrinin pozulmasını tanıyıb.

Avropa məhkəməsi hesab edib ki, Ermənistan höküməti şikayət edən şəxsə kompensasiyanın verilməsi haqqında kifayət qədər qüvvəyə minmiş qərarın qəbul olunmasına baxmayaraq, qərarın icraatı üçün müvafiq addımlar atmayıb.

Qərara əsasən, Ermənistan Respublikası ərizəçiyə mənəvi ziyan əvəzi olaraq 3600 avro məbləğində kompensasiya ödəməlidir. Bununla belə məhkəmə 25 min avro məbləğində maddi ziyanın ödənilməsi barədə tələbi rədd edib.