İŞİD terror təşkilatı Mosulun qərb hissəsində İraq hərbçilərinə qarşı qadın snayperlərdən istifadə edir.

SalamNews-un xəbərinə görə, bu barədə “As Sumaria” telekanalı bildirib.

Telekanalın məlumatına əsasən, snayperçi qadınlar Mosulun terrorçuların nəzarəti altında olan hissələrindəki yaşayış evlərinin damlarında mövqe tutublar və ordunun mövqelərinə atəşə tuturlar. Bildirilib ki, İŞİD ordunun əks hücumları nəticəsində qərbi Mosulda snayper üzvlərinin əksəriyyətini itirdikdən sonra atıcı qadınlardan istifadə etməyə qərar verib.

Son məlumata əsasən, Mosulun qərb məhəllələrinin təxminən 30 faizi terrorçuların əlində qalmaqdadır.