Beynəlxalq Valyuta Fondu islahatların keçirilməsi üçün Gürcüstana 285,3 milyon dollar ayırıb.

APA-nın xəbərinə görə, bu barədə Fondun mətbuat xidməti açıqlama yayıb.

Üçillik proqram Gürcüstanda iqtisadi islahatların dəstəklənməsinə yönəlib.

“Proqram Gürcüstana əlaqələndirilmiş iqtisadi siyasət tədbirləri həyata keçirmək, iqtisadi artıma nail olmağa imkan verəcək”, məlumatda qeyd edilir.

Məlumatda həmçinin vurğulanır ki, islahatlar ilk növbədə daha effektiv dövlət idarəetməsi, infrastruktura yeni yatırımlar, təhsilin keyfiyyətinin və işgüzar iqlimin yaxşılaşdırılmasına yönələcək.