Kolumbiyanın Putumayo departamentində baş vermiş sel daşqınları nəticəsində ölənlərin sayı 320 nəfərə çatıb.

APA-nın RİA Novosti agentliyinə istinadən verdiyi xəbərə görə, bundan əvvəl 314 nəfərin öldüyü, 127 nəfərin itkin düşdüyü bildirilirdi.

Ölənlərin 118-i həddi-buluğa çatmamış uşaqlardır. Təbii fəlakət nəticəsində həmçinin 332 nəfər xəsarət alıb.

Xatırladaq ki, aprelin 1-ə keçən gecə baş verən faciəyə səbəb leysanlar nəticəsində Mokoa çayının məcrasından çıxması olub. Hadisə ilə əlaqədar prezident Xuan Manuel Santos ölkədə fövqəladə vəziyyət rejimi tətbiq edib.