Amerikalı ər-arvad Ernest və Hizer Franklin övladlığa götürdükləri 16 yaşlı əlil oğulları Cefrini öldürməkdə ittiham edilirlər. Onlar bu cinayəti “Dəniz sahilində Mançester” ("Manchester by the Sea") filminə baxdıqdan sonra törədiblər.

SalamNews-un xəbərinə görə, bu barədə “USA Today” qəzeti məlumat yayıb.

Yeniyetmənin cəsədi fevralın 28-də yanmış evdə aşkar edilib. İstintaq Cefrinin yanğın baş verənə qədər öldürüldüyünü aşkara çıxarıb.

İttihamçıların fikrincə, cütlük 2012-ci ildə övladlığa götürdükləri yeniyetmədən xilas olmaq qərarına gəliblər. Onlar oğullarını öldürərək cinayəti yanğın kimi qələmə verməyə çalışıblar.

Qəzetin məlumatına əsasən, faciə baş verən gecə cütlük “Dəniz sahilində Mançester” filminə baxıblar. Filmdə də bənzər cinayət haqqında danışılır. Qətlin film tamaşasından sonrakı iki saat ərzində həyata keçirildiyi bildirilir.