Rusiyanın Podolsk şəhərində məktəbdə qazdan kütləvi zəhərlənmə hadisəsi baş verib.

“Ölkə.Az” xəbər verir ki, hadisə 7 saylı gimnaziyada ətrafı bürüyən qaz iyi nəticəsində 14 şagird zəhərlənib. Hadisə şahidlərinin sözlərinə görə, ilk əvvəl qaz iyi məktəbin birinci mərtəbəsindən yayılmağa başlayıb. Daha sonra iy ikinci və üçüncü mərtəbələrə dolub.

Məktəb rəhbərliyi şagirdləri gimnaziya binasından boşaltmağa başlayıb. Lakin bütün cəhdlərə baxmayaraq hadisə nəticəsində şagirdlərin halı pisləşməyə başlayıb. Dərhal hadisə yerinə həkimlər çağırılıb. Valideynlərə xəbər verilib.

Qazdan halı pisləşər 20-yə yaxın şagirdə ilkin tibbi yardım göstərilib. Onlardan 6 nəfəri xəstəxanaya getməyib. Digərləri xəstəxanalara yerləşdiriliblər.

Zəhərlənənlərdən 6 nəfərinin vəziyyəti nisbətən ağırdır.

Hadisə yerinə mütəxəssislər cəlb olunublar. Faktla bağlı araşdırma aparılır.