ABŞ-ın Kaliforniya universitetindən olan alimlər tərəfindən smartfonlar üçün öz-özünü bərpa edə bilən şüşə kəşf olunub.

AFN Kommersant nəşrinə istinadən xəbər verir ki, sözgedən kəşf barədə New York Post qəzeti məlumat yayıb.
Elmi qrupun rəhbəri Çao Van bildirib ki, icad edilən material şəffafdır və cərəyan keçirə bilir ki, bunun sayəsində ondan cızıqlara və çatlara davamlı olan uzunmüddətli smartfon ekranları buraxıla bilər.
Alimlərin söylədiyinə görə, icad etdikləri şüşə sınarsa və ya çatlarsa, bir sutka ərzində özünü bərpa edə biləcək. Elm adamları tərəfindən kəşf edilən material baha deyil, istehsalı yüngüldür, toxunduqda yumşaqdır, həmçinin əvvəlki ölçülərindən 50 dəfəyə yaxın uzanluq əldə bilir. Şüşə üçün xüsusi tip molekulyar əlaqəyə malik materialdan istifadə olunub. Bunun sayəsində çat verən və ya cızıqlar yaranan şüşənin molekulları bir-birinə doğru can atır və tamamilə bərpa olunur.