Səudiyyə Ərəbistanı Hərbi Hava Qüvvələrinə məxsus "Black Hawk" markalı hərbi vertolyot Yəməndə qəzaya uğrayıb.

"Report"un məlumatına görə, bu barədə "Al-Ikhbariya" telekanalı xəbər verib.

Xəbərdə bildirilir ki, hadisə Yəmənin Marib vilayətində, hərbi tapşırığın icrası zamanı qeydə alınıb. Qəza nəticəsində 12 nəfər həlak olub. Ölənlərdən 4-nün zabit olduğu bildirilir.

Hadisənin başvermə səbəbləri ilə bağlı araşdırmalara başlanılıb. Koalisiyanın nümayəndəsi Əhməd Asiri "France Presse"yə bildirib ki, qəzanın başvermə səbəbi barədə danışmaq hələ tezdir.