AMEA prezidenti Ramiz Mehdiyevin ən yaxın adamı sayılan deputatlardan biri sən demə üçqat maaş alırmış. Bu şəraiti isə ona əmək qanunvericiliyinin tələbləri deyil, elə Ramiz Mehdiyev yaradıbmış.
"Demokratik.Az"-a AMEA-dan verilən məlumata görə, söhbət millət vəkili İsa Həbibbəylidən gedir. Doğrudan da axı necə olur ki, Mehdiyevin kürəyinə sığınmış akademik-deputat bir neçə ştat vahidi əməkhaqqı alsın?

Müasir dövlət quruculuğundan bu yana, düz 30 ildir ki, həm də deputat olan adamın qanunverici orqanda təmsil oluna-oluna qanunçuluğu saymaması doğrudan da ikrah hissi doğurur. Qanunlar qəbul edilməsində iştirak edən İsa Həbibbəyli rəsmi olaraq həm millət vəkili kimi, eləcə də Azərbaycan Milli Elmlər Akademiyasının vitse-prezidenti, (akademik) AMEA-da Humanitar və İctimai Elmlər bölmələrinin sədri və Nizami adına Ədəbiyyat İnstitutunun direktoru vəzifələrini yüklənib maaş almaqdadır.

Deputatın universitetlərin birində yarımştat pedoqoji fəaliyyətlə də məşğul olduğu bildirilir.
(Əlavə məlumat verəcəyik)