“Ermənistanın yürütdüyü siyasət təkcə Azərbaycana qarşı deyil. Sovet ittifaqından ayrıldıqdan 30 il müddətində Ermənistan müstəqil dövlət ola bilmədi. Başqa-başqa dövlətlərin, güclərin və qüvvələrin idarəsi, nəzarəti altındadır. Ermənistan bu dönəm ərzində Azərbaycanla yanaşı həm də Türkiyyəyə qarşı ümumilikdə, dünya erməniliyi Türklüyə, Azərbaycançılığa qarşı və islama qarşı mübarizə aparıb”.
TEREF.AZ bildirir ki, bu barədə Bizimyol.info xəbər portalına Siyasi və Hüquqi Strateji Araşdırmalar Mərkəzinin rəhbəri Xəyal Bəşirov danışıb.

Xəyal Bəşirovun təəssüflə qeyd edib ki, bəzi müsəlman dövlətləri bunu görməzdən gəlir, Ermənistanın islam dünyasına vurduğu zərbələri gözardı edib, Ermənistanla münasibətlərinə bunu təzahür etmirlər.

Politoloq bildirib ki, Ermənistanın Azərbaycana və Türkiyəyə qarşı düşmənliyi sadəcə sözdə, bəyanatlarda, fikirlərdə deyil eyni zamanda bu dünya erməniliyinin əməllərində, işlərindədir.

“Dünyada mövcud olan erməni diaspor təşkilatlarının mövcudluğunun əsas səbəbi keçmiş Qarabağ münaqişəsi və o cümlədən də Türkiyyəyə qarşı qondurma soyqırım iddiaları ilə bağlıdır. Məhz bu təşkilatlar keçmiş münaqişənin tam şəkildə həllinə imkan vermirlər. O cümlədən də Türkiyyə ilə münasibətlərini normallaşdırmasında, nəinki maraqlı deyillər, əksinə bu prosesə də maneçilik törədirlər”-deyən X. Bəşirov hesab edir ki, Ermənistan son baş verən idman təxribatına görə, ciddi şəkildə cəzalandırılmalıdır.

Onun sözlərinə görə, burada beynəlxalq idman öhdəlikləri ilə bağlı Ermənistanın öz üzərinə götürdüyü vəzifələrə hörmətsizliklə yanaşması, beynəlxalq idman ictimayətinə hörmətsizlik nümayiş etdirməsi, xüsusilə bu prosesin Ermənistanın prezdenti və baş nazirinin gözləri önündə baş verməsi bir daha ondan xəbər verir ki, Ermənistanda tək-tək şəxslər deyil ümumilikdə dövlət və cəmiyyət olaraq bu prosesi reallaşdırırlar.

Politoloqun fikrincə, burada hansısa şəxsin məsuliyyətindən söhbət gedə bilməz.

“Burada Ermənistan dövlətinin və onu idarə edən şəxslərin məsuliyyətindən söhbət gedir. Sadəcə bir müqayisə aparaq. İkinci Qarabağ müharibəsi dönəmində “Qarabağ” futbol klubunun mətbuat katibi Nurlan İbrahimlinin bir statusuna görə, idman karyerasında məhdudiyyət qoyulub. O, heç bir idman vəzifəsi daşıya bilməz o fəaliyyətlə məşğul ola bilməz. Sosial şəbəkələrdə bununla bağlı kifayət qədər ciddi məlumatlar gedib.

Prezident İlham Əliyevin Avropa Olimpiya oyunları tədbirində erməni boksçusunu təltifetmə mərasimi zamanı tamaşaçıların etirazı və bu etirazdan sonra prezidentin bir hərəkəti ilə etirazçıların sakitləşməsi - bu, həm Azərbaycan dövlətinin dövlət başçısının və cəmiyyətimizin idmana, idman tədbirlərinə və o cümlədən də dövlətimizin maraqlarına hörmət əlamətlərinin nümayiş etdirilməsi ilə bağlı idi. Ermənistanda tamamilə fərqli bir mənzərənin şahidi olduq. Baxmayaraq ki, 2015-ci ildə bizim ərazilərimiz hələ də işğal altında idi. Bizim 20% ərazilərimiz işğal altında olduğu və Ermənistanın həmin ərazilərdə cinayətləri davam etdirdiyi, 1 milyona yaxın insanımızın qaçqın və məcburi köçkün vəziyyətdə olduğu dönəmdə o hadisənin baş verməsi və Azərbaycan dövlətinin və dövlətimizin ən ali şəxsi prezidentin belə bir reaksiyası vardı.

İkinci Qarabağ müharibəsindən sonra XXI əsrin 23-ci ilində dünyanın gözü qarşısında Ermənistanın və Ermənistan dövlətinin rəhbərliyinin atdığı o addımlar və buna reaksiya Ermənistan cəmiyyətinin, erməni toplumunun və ümumilikdə dünya erməniliyinin özləri haqda yaratdığı növbəti bir mifin darmadağın edilməsi idi. Ermənistan cəmiyyəti və Ermənistan dövləti bir daha sübut etdi ki, onlar nəinki beynəlxalq hüquqa hörmətsiz yanaşırlar, ona meydan oxuyurlar. Eyni zamanda beynəlxalq idman hüququna, beynəlxalq idman ictimaiyyətinə də hörmətsizliklərini davam etdirirlər”-deyə politoloq qeyd edib.

Xəyal Bəşirov qeyd edib ki, bunu təkcə, Azərbaycana münasibəti ilə deyil, həm də Türkiyəyə münasibətlərində də, biruzə verdilər. Onlar bir daha sübut etdilər ki, nəinki regionda sülh istəyirlər, əksinə Türkiyə ilə də, münasibətlərini normallaşdırmasına səmimi deyillər.

Politoloqun fikrincə, burada itirən tərəf Ermənistan olacaq. Xəyal Bəşirovun sözlərinə görə, Ermənistanın bu addımları Ermənistanın bu günə qədər beynəlxalq hüquqa meydan oxumasından , Beynəlxalq hüquqa hörmətsiz yanaşmasından, eyni zamanda bu təşkilatların Ermənistanın siyasi ərköyünlüyünü, şıltaqlığını və cığallığını görməzdən gəlməsindən xəbər verir.

“Türkiyə dövləti Ermənistanın bu şıltaqlıqlarına heç vaxt normal yanaşmayıb və buna istiqamətlənmiş addımlarını atıb. Bundan sonra da biz də addımlarımızı atacağıq. Mümkün qədər çalışmalıyıq ki, Ermənistan beynəlxalq idman təşkilatları, dünya və Avropa çempionatını keçirən müvafiq qurumlar tərəfindən, onların nizamnamələrinə və Ermənistanın həmin o sənədlərlə üzərinə götürdüyü öhdəliklərə uyğun olaraq cəzalandırılsın. Ermənistan ən azından bu istiqamətdə keçirilmiş mötəbər tədbirlərə və yarışlara ev sahibliyi etmək imkanlarından məhrum edilsin. Bunun üçün kifayət qədər imkanlar var. Azərbaycan bu istiqamətdə də öz addımlarını atacaq. Artıq Ermənistana ünvanlanmış və erməni vəhşiliyinin aradan qaldırılması üçün növbəti bir platforma yaranıb. Biz bu platforma çərçivəsində də Ermənistana münasibətdə Türkiyənin dəstəyi ilə Tükiyənin birliyi ilə növbəti addımlarımızı atacağıq”-deyə politoloq vurğulayıb.