Ötən gün İraq parlamentində xaos yaşanıb.

Axar.az xəbər verir ki, bu barədə İraq Baş naziri Adil Əbdülmehdi məlumat verib.

"Nazir postuna namizəd olan 8 nəfərlə parlamentə getdim. 171 deputatının iştirakı ilə iclas keçiriləcəkdi, ancaq daha sonra bir xaos yaşandı və iclasın davam etməsinin qarşısı alındı", - Əbdülmehdi deyib.

Qeyd edək ki, deputatlar baş nazirin təklif etdiyi şəxslərin nazir olmalarına qarşı çıxır. Son iclasda da konkret nəticə əldə edilmədiyi üçün iclas cümə gününə təxirə salınıb.