Azərbaycan Milli Elmlər Akademiyasının (AMEA) akademik Həsən Əliyev adına Coğrafiya İnstitutunun direktoru, akademik Ramiz Məmmədovun səhhəti ağırlaşıb.

Medicina.azın "Ölkə.Az"a istinadən məlumatına görə, 68 yaşlı akademikin böyrəkləri fəaliyyətini dayandırıb. Həkimlər onu xəstəxanada müalicə edə bilmədiyindən evə buraxıblar.

Ramiz Məmmədov səhhətində yaranan ciddi problemlər üzündən bir neçə vaxtdır ki, işə çıxa bilmir.

Xatırladaq ki, akademik R.Məmmədov 4 fevral 1950-ci ildə Gürcüstan SSR-in Qardabani rayonunun Qaracalar kəndində anadan olub.