Şəmkirdə şəhid ailəsinin evi qarət olunub.

APA TV-nin qərb bürosunun məlumatına görə, Sabirkənd kəndində yaşayan Şərifovlar ailəsinin evindən 135 qram müxtəlif əyarlı qızıl-zinət əşyası və 200 manat nağd pul oğurlanıb.
Qarət edildiyini ailə bir neçə gün sonra bilib. Çünki oğru və yaxud oğrular heç bir iz buraxmayıb: “Biz ilk dəfə gələndə heç nə dağılmamışdı. Bir gün sonra pul lazım oldu, götürmək istəyəndə gördük ki, evdən qızıl da, pul da oğurlanıb. Hər şey yerində idi”.
Polis artıq hadisə bağlı məlumatlıdır. Amma oğruları tapmaq hələ ki, mümkün olmayıb: “Oğlumun boyunbağısını aparıblar. Bunu nəvəmə pay vermişəm. Elə bu boyunbağının oxşarını da aparıblar. Özümün də boyunbağım var idi, klonu ilə birlikdə onu da götürüblər. Bir də toy boyunbağım aparıblar. Ümumilikdə üç boyunbağı aparıblar, hələ üzük, sırğa və digərlərini demirəm. Özüm də şəhid anasıyam”.

Oğruların axtarışı davam edir.