Sumqayıt bələdiyyyəsinin sədri Əbülfəz Babayev öz ərizəsi ilə vəzifəsindən azad edilib.

Axar.az xəbər verir ki, bu barədə “Belediyye.info”ya Sumqayıt bələdiyyəsindən məlumat veriblər.

Məlumatda deyilib ki, bələdiyyənin növbədənkənar iclasında sədrin istefa ərizəsi müzakirə edilib və səs çoxluğu ilə qəbul edilib.

Sədr müavini Sultan Əsədov faktı təsdiq edərək bildirib ki, yaxın bir həftə ərzində bələdiyyənin iclasında yeni sədrin adı məlum olacaq.

Qeyd edək ki, Əbülfəz Babayev on il müddətinə Sumqayıt bələdiyyəsinin sədri vəzifəsində çalışıb.