Mirzəcan Xəlilovun şirkətinə 7 milyon manatlıq tender verildi
17-08-2020, 20:09
Məcburi Köçkünlərin Sosial İnkişaf Fondu Bakının Sabunçu rayonunun Ramana qəsəbəsində 1 512 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində su təchizatı, kanalizasiya və suvarma sisteminin tikintisi ilə bağlı elan etdiyi açıq tenderə yekun vurub.
Tenderin qalibi “Azərsutəchizattikinti” ASC-dir.
Qalib şirkətə 6 685,5 min manat ödəniləcək.
Xatırladaq ki, “Azərsutəchizattikinti” 2003-cü ildə dövlət qeydiyyatına alınıb. Onun nizamnamə kapitalı 24 442 manat, qanuni təmsilçisi isə Milli Məclisin V çağırış deputatı Mirzəcan Xəlilovdur. //Report//