Portuqaliya prezidenti Marselu Rebelu de Souza qəhrəmanlıq nümunəsi göstərib.

O, çimərlikdə istirahət zamanı suda batan iki qızın həyatını xilas edib.



Marselu Rebelu de Souza

Bizimyol.info xəbər verir ki, dövlət başçısı Alqarvedə ikigünlük istirahət zamanı qızların kanoedən suya düşdüyünü görüb. 71 yaşlı prezident dərhal suya atılıb. Qızları xilas etməyə ona hidrosikllə özünü hadisə yerinə çatdıran bir nəfər də kömək göstərib.

Prezident sonradan danışıb ki, qızlar başqa çimərlikdə dincəlirmiş. Külək onları fərqli səmtə atıb. Müvazinətini saxlaya bilməyən qızlar suya düşüb.

Marselu Rebelu de Souza məhz ölkə sərhədləri daxilində istirahət etməyi xoşlayır. O, Portuqaliyanı az qala qarış-qarış gəzir.

Avropa ölkəsində prezidentin böyük səlahiyyətləri yoxdur. İcraedici hakimiyyət Marselu Rebelu de Souzanın əlində deyil. Amma o, böhran vaxtı parlamenti buraxa bilər.