Rusiya kəşfiyyat zabiti ilə görüşəmdən sonra bir Norveç vətəndaşı həbs edilib. O, məxfi məlumatları xarici dövlətə ötürməkdə ittiham olunur.

Qaynarinfo xəbər verir ki, bu barədə "Associated Press” (AP) məlumat yayıb.

Norveç təhlükəsizlik xidməti, həbs olunan şəxsin gördüyü işlər sayəsində xarici dövlət üçün maraq doğuran məlumatlara sahib olduqlarını bildirib.

Norveçlinin şəxsiyyəti açıqlanmayıb. AP-nin məlumatına görə, şübhəlinin vəkili onun günahını etiraf etmədiyini bildirib. Məhkəmə prosesi bağlı qapılar arxasında baş tutacaq. Həbs olunan şəxsə 15 il həbs cəzası verilə bilər.

Yerli media bunun sənaye casusluğu olduğunu bildirib. Neft və qaz sənayesi və bərpa olunan enerji mənbələri sahəsində ixtisaslaşan DNV GL həbs olunan şəxsin bunun üçün çalışdığını söyləyib.