Məhkəmə ləğv edilən Milli Təhlükəsizlik Nazirliyinin (MTN) keçmiş idarə rəisi, general-mayor Akif Çovdarovun həbs müddəti uzadılıb.

Bu barədə virtualaz.org saytına hüquq-mühafizə orqanlarından məlumat daxil olub.

Ləğv edilən MTN-in energetika və nəqliyyat sahələrində təhlükəsizlik baş idarəsinin sabiq rəisi 2016-cı ilin noyabrında 3 aylığa həbs olunmuşdu.

Ona qarşı Cinayət Məcəlləsinin 308.2 (vəzifə səlahiyyətlərindən sui-istifadə), 311 (rüşvət), 145.3-cü (qanunsuz azadlıqdan məhrum etmə) maddələri ilə də işi açılıb.

“MTN işi” ilə bağlı 2015-ci ilin oktyabrında açılan cinayət işi üzrə 65 nəfər zərərçəkən şəxs qismində tanınıb. 20 nəfər isə təqsirləndirilən şəxs qismində həbs olunub. Onlardan bir çoxunun həbs müddəti uzadılıb.

Milli Təhlükəsizlik Nazirliyi ləğv ediləndən sonra, onun bazası əsasında 2 qurum yaradılıb. BunlarDövlət Təhlükəsizliyi Xidməti və Xarici Kəşfiyyat Xidmətidir.