Bakıda özünü məftillə ağaca bağlayaraq yandıran şəxslə bağlı açıqlama
22-01-2022, 00:03
Hazırda araşdırma davam etdirilir
Yanvarın 19-da, saat 20 radələrində 1959-cu il təvəllüdlü Nadir Həşimovun özünü məftil ilə ağaca bərkidib yandıraraq öldürməsi faktı ilə bağlı hazırda Xətai rayon prokurorluğunda araşdırma aparılır.
Bu barədə Baş Prokurorluğun Mətbuat xidmətindən sosial şəbəkələrdə yayılmış videogörüntülərlə bağlı daxil olmuş sorğuya cavab olaraq bildirilib.
Araşdırma zamanı Nadir Həşimovun meyiti xarici və daxili müayinə olunub, meyitin üzərində yanıq xəsarətlərindən başqa hər hansı kənar xəsarət aşkar olunmayıb.
Hazırda araşdırma davam etdirilir, ictimaiyyətə əlavə məlumat veriləcək.
