ABŞ-ın Florida ştatında sürücülərin bir-birinə yol vermək istəməməsi silahlı insidentlə bitib.

Nəticədə sürücülərdən biri digər sürücü tərəfindən təqib edildiyini əsas gətirərək qarşı tərəfə atəş açıb.

Polisə təslim olan şəxs yalnız özünü müdafiə etmək məqsədilə silaha əl atdığını və qarşı tərəfin də öz növbəsində silahdan istifadə etdiyini iddia edib.

Lakin polisin apardığı araşdırma nəticəsində silahın birtərəfli qaydada istifadə edildiyi üzə çıxıb.

Sükan arxasından əyləşərək silahdan istifadə edən sürücü saxlanılıb. Onu 15 ilə qədər həbs cəzası gözləyə bilər.


Mənbə: TRT Haber