Siciliyada Etna vulkanı növbəti dəfə püskürüb.

İtaliya Milli Geofizika və Vulkanologiya İnstitutunun (INGV) məlumatına görə, püskürmə vulkanın cənub-şərq kraterində təxminən 2900 metr hündürlükdə qeydə alınıb.

Püskürmə zamanı səkkiz kilometr hündürlükdə kül və tüstü səmaya atılıb. Kraterdən üç lava axını əmələ gəlib.

Qeyd edək ki, Etna Avropanın ən yüksək aktiv vulkanıdır. 2013-cü ilin iyun ayında o, YUNESKO-nun Ümumdünya İrs Siyahısına daxil edilib.

Mənbə: “RİA Novosti”