"Atam kafedə içki içib bacımı qumara qoyub, pula satdı". DİA.AZ cebhe.info-ya istinadla xəbər verir ki, bu sözləri bacıları ilə birgə “Təmiz Dünya” Qadınlara Yardım İctimai Birliyininin sığınacağına yerləşdirilən qızlardan biri deyib:

"Dedilər ki, atan bacını pula satıb, nə edirsən et, bacını geri qaytar. Mənim əlimdən heç nə gəlmədi. Atam bizi vururdu, döyürdü. Bacımı yoldaşı dişləyib, qolunu da atam əzib".

Qeyd edək ki, sığınacağa anaları ilə birgə yerləşdirilən 3 bacının ən böyüyünün 15 yaşı var. Onu ərə veriblər. Ortancıl bacının 13 yaşı var. 5 ildir yataq xəstəsi olan anasına ortancıl bacı baxır. Balaca uşağı isə ata döyərək pis hala salıb.

Məsələ ictimailəşdirildiyinə, bu şəraitdən istifadə edib 16 yaşlı böyük bacı ilə nikah yaşına çatmamış ailə qurduğuna görə kürəkənə də cinayət işi açılıb.