Braziliyanın Rio de Janeyro əyalətinin dağlıq Petropolis şəhərində yaşanan sel və torpaq sürüşmələrindən sonra ötən həftə başlayan axtarış-xilasetmə işləri artıq 9-cu gündür ki davam edir.

Son məlumata görə, təbii fəlakət nəticəsində həyatını itirənlərin sayı 198-ə çatıb, 69 nəfərin itkin düşdüyü açıqlanıb.

Mülki Müdafiə İdarəsi şiddətli yağışlar səbəbindən şəhərdə əksəriyyəti torpaq sürüşməsi olmaqla, 1800 hadisənin baş verdiyini, 811 nəfərin isə sığınacaqlarda qaldığını açıqlayıb.

Ştat qubernatoru Klaudio Kastro bölgənin 1932-ci ildən bəri ən güclü yağıntıya məruz qaldığını bildirib.

Mənbə: “Haber Global”