Rusiya qüvvələri ötən gecə Kiyevin Çernobıl vilayətini ələ keçirdikdən sonra Atom Elektrik Stansiyasının ətrafında radiasiyanın səviyyəsi sürətlə artmağa başlayıb.
Müşahidələrə əsasən, artım dünən gecə rus qoşunlarının Çernobıla daxil olmasından bir neçə saat sonra qeydə alınıb. Radiasiya izləmə xəritələrindəki məlumat cədvəlində də nSnn şualarının sayında yüksəlmə baş verib. İlkin ehtimallara görə, dünən Rusiya və Ukrayna arasında baş verən döyüşlər zamanı Çernobıldakı nüvə tullantıları anbarına ziyan dəyib. Bundan sonra isə ətraf ərazilərə radiasiya yayılıb.

Xatırladaq ki, 1986-cı ildə Çernobıl AES-də baş verən qəza zamanı radioaktiv maddələr ətrafa yayılmış, bu fəlakət zamanı 4 mindən artıq ukraynalı həlak olmuşdu. 2017-ci ildən qəzanın baş verdiyi reaktorun üzəri xüsusi mühafizə təbəqəsi ilə qapadılmışdı.
Elvin Bəyməmmədli
“AzPolitika.info”