![[img]https://teref.az/uploads/posts/2025-08/1754680838_1.jpg[/img] Məhkəmə Hüquq Şurası məhkəmələrin şəbəkə cinayətinə son qoymaq istəmir](/templates/Webmedia4/dleimages/no_image.jpg)
Baş redaktor ailəsi ilə birgə qəzaya düşüb
21-11-2022, 07:58
Yaralılar Rayon Mərkəzi Xəstəxanasına yerləşdiriliblər
Göyçayda yük və minik avtomobillərinin toqquşması zamanı xəsarət alanların kimliyi məlum olub. AYNA APA-ya istinadən xəbər verir ki, qəza nəticəsində minik avtomobilində olan “Göyçay” qəzetinin baş redaktoru Abdulla Əliyev və ailə üzvləri xəsarət alıblar.
Yaralılar Rayon Mərkəzi Xəstəxanasına yerləşdiriliblər. Həkimlərin ilkin rəyinə əsasən, Abdulla Əliyevin vəziyyəti ağırdır.
DİN-in Mətbuat Xidmətinin Şəki regional qrupunun baş inspektoru, polis kapitanı Mahir Məsimov bildirib ki, yol-nəqliyyat hadisəsi Bakı-Şamaxı-Yevlax yolunun 209-cu kilometrliyində, Göyçay rayonunun Bığır kəndi ərazisindən keçən hissəsində qeydə alınıb.
Faktla bağlı Baş İstintaq və Təhqiqat İdarəsi tərəfindən araşdırma aparılır.
