Braziliya Prezidenti Luiz İnasio Lula da Silva futbolçu və məşqçi Mario Zaqallonun vəfatı ilə əlaqədar ölkədə üç günlük matəm elan edib.

Yenisabah.az xəbər verir ki, o, bu barədə X sosial şəbəkəsindəki səhifəsində yazıb.

Mario Zaqallo yanvarın 6-da 92 yaşında vəfat edib. O, braziliyalı yeganə şəxsdir ki, dörd dəfə Dünya Kubokunu qazanıb: iki dəfə futbolçu (1958, 1962), bir dəfə baş məşqçi (1970) və bir dəfə köməkçi məşqçi (1994) kimi.