Tbilisidə keçirilən xüsusi əməliyyat zamanı “Malış krıtnıy” ləqəbli azərbaycanlı kriminal aləminin üzvü saxlanılıb.

Yenicag.az xəbər verir ki, Gəncədən olan Elçin adlı şəxslə bərabər daha bir gürcü vətəndaşı həbs olunub. Gürcüstanın daxili işlər nazirliyinin məlumatına görə, saxlanılan cinayətkarlar B.M. adlı şəxsi ölümlə hədələyərək ondan iki min dollar məbləğində pul tələb etməkdə günahlandırılırlar.

Lentə alınan gizli çəkilişdə, azərbaycanlı avtoritet özünü “Malış krıtnıy” kimi təqdim edir. Saxlanılan şəxs qeyd edir ki, onu Gürcüstana “qanuni oğrular” göndərib, həmin pul da onlara çatacaqdı.

Faktla bağlı cinayət işi başlanıb.