Çempionlar Liqasında qrup mərhələsində oynayacaq ilk üç komandanın adına aydınlıq gəldi - VİDEO
25-08-2021, 07:05
UEFA Çempionlar Liqasında (ÇL) cari mövsümdə qrup mərhələsinə yüksələn ilk üç komanda bəlli olub.
Belə ki, bu gecə pley-off mərhələsinin cavab matçlarına start verilib.
Niderlandda Portuqaliyanın “Benfika” komandasının müqavimətini qırmağa çalışan PSV istəyinə nail ola bilməyib. Görüş qolsuz başa çatdığından ilk matçda 2:1 hesablı qələbə qazanan portuqaliyalılar qrupda oynamaq hüququ əldə edib.
Bolqarıstanda İsveç “Malmö”sü ilə üz-üzə gələn “Lüdoqorets” 2:1 hesablı qələbəyə baxmayaraq, ÇL-də mübarizəni dayandırıb.
İsveçrə “Yanq Boyz”u isə Macarıstanda “Ferentsvaroş”a qalib gəlib - 3:2. Bu nəticə ilk oyunda da eyni hesablı qələbə qazanan qonaqları qrup mərhələsinə yüksəldib.
Çempionlar Liqası
Pley-off mərhələsi, cavab oyunları
PSV (Niderland) – “Benfika” (Portuqaliya) - 0:0
İlk oyun - 1:2
“Lüdoqorets” (Bolqarıstan) – “Malmö” (İsveç) - 2:1
Qollar: Anton Nedyalkov, 10, Pieros Sotiriu, 60 (penalti) - Velko Birmançeviç, 42
İlk oyun - 0:2
“Ferentsvaroş” (Macarıstan) – “Yanq Boyz” (İsveçrə) - 2:3
Qollar: Henri Vinqo, 18, Sami Mey, 27 - Sedrik Zesiger, 4, Kristian Fassnaxt, 56, Feliks Mambimbi, 90+3
İlk oyun - 2:3
