Millimizin futbolçusu Mahir Emrelinin şərəfini qoruduğu “Legiya” bu gün Avropa Liqasında növbəti oyununa çıxacaq.
“Qafqazinfo” xəbər verir ki, Varşava təmsilçisi C qrupunun 2-ci turunda doğma meydanda İngiltərə “Lester”ini qəbul edəcək. Matç Bakı vaxtı ilə saat 20:45-də başlayacaq. 24 yaşlı hücumçunun start heyətdə meydana çıxacağı gözlənilir.
Qeyd edək ki, ilk turda Moskva “Spartak”ını 1:0 hesabı ilə məğlub edən “Legiya” hazırda C qrupunda liderdir.