Avrokubokların qrup mərhələsinin II turu başa çatıb.
Bizim.Media-nın məlumatına görə, turun görüşlərindən sonra klubların UEFA reytinqi açıqlanıb.
Avropanın ən yaxşı 100 komandası arasında Azərbaycandan yalnız “Qarabağ” klubu yer alıb.
Premyer Liqanın vitse-çempionu II turda Kipr “Omoniya”sını 4:1 hesabı ilə darmadağın etdiyi oyun Qurban Qurbanovun yetirmələrinin hesabına 0,500 xal gətirib.
Aktivini 19,000-a çatdıran “Qarabağ” 2 pillə irəliləyib. Bu görüşədək Avropada 71-72-ci yerləri bölüşən təmsilçimiz artıq 69-72-ci pillələrə şərikdir.
Qeyd edək ki, siyahıya “Bavariya” başçılıq edir – 120,000.