Həbib Nurmaqomedovun rəqibi poçtda işləyən anasını işdən ayıra bilmir...

11-10-2021, 12:35           
Həbib Nurmaqomedovun rəqibi poçtda işləyən anasını işdən ayıra bilmir...
UFC-nin yüngül çəki üzrə reytinqinin 2 nömrəsi Castin Qetji Həbib Nurmaqomedovla döyüşün qonorarını alandan sonra anasını işdən uzaqlaşdıracağı ilə bağlı vədindən danışıb:


“Hələ ki anam işdən çıxmayıb. Bu gün işdən çıxsa, təqaüdünün 20 faizini itirəcək. Dəfələrlə demişəm ki, bundan narahat olma, işdən çıx. Ancaq o, təqaüd yaşına, yəni 56 yaş yarıma qədər işləmək istəyir. Mayda 56 yaşı tamam olub, bu üzdən dekabra qədər işləyəcək. Min dəfə desəm də, inadından dönmür, sona qədər işləyəcəyini deyir. Artıq 30 ildi poçtda çalışır. Ancaq söz verirəm ki, bu ilki Milad bayramı onun üçün işdə keçirəcəyi sonuncu bayram olacaq”.


Ötən il oktyabrın 24-də Nurmaqomedovla döyüşün 2-ci raundunda boğucu fəndə düşən amerikalı noyabrın 6-da Nyu-Yorkda keçiriləcək UFC 268 turnirində Maykl Çendler ilə qarşılaşacaq. (Futbol+ qəzeti)












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.