"Neftçi" millinin futbolçusunu transfer etdi - FOTO
30-12-2021, 00:01
“Neftçi” qış fasiləsi dönəmində ilk transferini həyata keçirib.
Bizim.Media klubun rəsmi saytına istinadən xəbər verir ki, Azərbaycan milli komandasının futbolçusu Azər Salahlı bundan sonra "Neftçi"də top qovacaq. Onunla 2,5 illik müqavilə imzalanıb.
O, paytaxt təmsilçisinin heyətində 19 nömrəli formanı geyinəcək.
Qeyd edək ki, son klubu “Keşlə” olan Azər Salahlı “Qarabağ” (2015-2017) və “Sumqayıt” (2016-2018) komandalarında da çıxış edib.