Kanadanın yığma komandası Şimali və Mərkəzi Amerika və Karib Hövzəsi Futbol Konfederasiyası (CONCACAF) komandaları arasında 2022-ci ildə keçiriləcək futbol üzrə dünya çempionatının seçmə turnirinin onuncu turunda öz meydanında ABŞ-ı 2:0 hesabı ilə məğlub edib.

“Report” xəbər verir ki, qolları Kayl Larin (7-ci dəqiqə) və Samuel Adekuqbe (90+5) vurub.

“Beşiktaş”ın 26 yaşlı hücumçusu Larin üçün bu qol Kanada yığmasında 23-cü olub.

Beləliklə, Kanada komandası 10 görüşdən sonra 22 xal toplayıb və təsnifat turnir cədvəlində birinci yeri tutur, amerikalılar 18 xalla ikinci yerdədir. Növbəti oyunda kanadalılar fevralın 3-də Salvador millisi ilə səfərdə oynayacaq, amerikalılar isə həmin gün Honduras komandasını qəbul edəcəklər.