"Dinamo" Mahir Emrelini hansı məbləğə transfer edib? – Müqavilənin detalları
3-02-2022, 11:12
Azərbaycan millisinin futbolçusu Mahir Emrelinin “Legiya”dan Zaqreb “Dinamo”suna transferinin qiyməti bəlli olub.
Bizim.Media Polşa mətbuatına istinadla xəbər verir ki, 25 yaşlı hücumçunun keçidi 1 milyon avroya gerçəkləşib.
Lakin Xorvatiya klubu onun üçün pul ödəməyəcək.
Polşa klubunun “Dinamo”ya borcu qalıb. Lirim Kastratini 1,2 milyon avroya transfer edən “Legiya” zaqreblilərə cəmi 200 min ödəyib. Vəsaitin digər hissəsinin əvəzində isə Emrelinin transferi reallaşıb.
Qeyd edək ki, “Legiya” yığmamızın üzvü ilə müqaviləyə qarşılıqlı razılaşma ilə xitam verildiyini açıqlayıb.
