Çinin paytaxtı Pekindəki XXIV Qış Olimpiya Oyunlarında koronavirusa yoluxanların sayı artıb.

"Report" yarışın Təşkilat Komitəsinin rəsmi saytına istinadən xəbər verir ki, açılış mərasimindən əvvəl daha 14 nəfərin testi pozitiv çıxıb.

Onlardan 9-u idmançılar və komanda nümayəndələridir. Ötən gün olimpiada ilə bağlı Pekinə 1344 nəfər səfər edib.

Qeyd edək ki, Pekin-2022-nin açılış mərasimi bu gün Bakı vaxtı ilə saat 16:00-da başlayacaq. Oyunlar fevralın 20-də başa çatacaq. Azərbaycanı fiqurlu konkisürənlər Vladimir Litvintsev və Yekaterina Ryabova təmsil edəcək.