"Çelsi"nin yarımmüdafiəçisi Hakim Ziyeş bir daha Mərakeş yığmasında oynamayacağını bildirib.

Qol.az xəbər verir ki, 29 yaşlı futbolçu “ADSportsTV”yə açıqlamasında bu barədə deyib:



“Mən Mərakeş millisinə qayıtmayacağam. Bu mənim son qərarımdır. Mən orada hər şeyin necə getdiyini başa düşürəm və bütün diqqətimi “Çelsi”dəki oyunuma yönəldəcəyəm. Azarkeşlərə yazığım gəlir, amma vəziyyət belədir”.

Qeyd edək ki, Hakim Ziyeş Mərakeş millisinin baş məşqçisi Vahid Halilhociçlə konfliktə görə Afrika Millətlər Kubokunun oyunlarına dəvət almayıb. O, sonuncu dəfə ötən ilin sentyabrında yığmada oynayıb. İndiyədək milli komandada 40 oyun keçirmiş Ziyeşin aktivində 17 qol var.