Klublararası dünya çempionatının qalibi “Çelsi” oldu – VİDEO
13-02-2022, 08:48
“Çelsi” futbol üzrə klublararası dünya çempionatının qalibi olub.
Oxu.Az xəbər verir ki, “zadəganlar” Birləşmiş Ərəb Əmirliklərinin paytaxtı Abu Dabidəki “Məhəmməd bin Zayed” stadionunda təşkil olunmuş final oyununda Braziliya “Palmeyras”ına qalib gəlib – 2:1.
Qarşılaşmanın əsas vaxtı 1:1 hesablı heç-heçə ilə yekunlaşıb. İlk qolu 55-ci dəqiqədə “Çelsi”nin hücumçusu Romelu Lukaku vurub. 64-cü dəqiqədə Rafael Veyqa penalti ilə bərabərliyi təmin edib.
117-ci dəqiqədə isə Kay Haverts penaltini dəqiq yerinə yetirib və Çempionlar Liqasının finalında olduğu kimi yenə qələbə topunun müəllifi olub.
Beləliklə, “Çelsi” tarixində ilk dəfə klublar arasında dünya çempionluğu əldə edib.