Avrokuboklar: Emrelinin komandası “Sevilya” qarşısında tab gətirmədi - VİDEO
18-02-2022, 09:13
Bu gün UEFA-nın Avropa və Konfrans Liqalarında pley-off mərhələsinin ilk oyunları keçirilib.
Oxu.Az xəbər verir ki, Azərbaycan millisinin futbolçusu Mahir Emrelinin də çıxış etdiyi Xorvatiyanın “Dinamo” (Zaqreb) komandası İspaniyada “Sevilya”nın qonağı olub. Futbolçumuz komandasının start heyətində yer almasa da, ikinci hissədə meydançaya daxil olaraq “Dinamo”da debütünü edib. Lakin Mahirin oyuna qatılması da yekun nəticəyə təsir göstərməyib və Xorvatiya klubunun Priney səfəri uğursuz alınıb. “Sevilya” daha üstün oyun nümayiş etdirərək, matçı 3:1 hesablı qələbə ilə bitirib.
Qeyd edək ki, hər iki turnirin cavab qarşılaşmaları fevralın 24-də baş tutacaq.
UEFA Avropa Liqası
Pley-off mərhələsi
“Sevilya” (İspaniya) – “Dinamo” (Xorvatiya) 3:1
“Portu” (Portuqaliya) – “Latsio” (İtaliya) 2:1
“Leypsiq” (Almaniya) – “Real Sosyedad” (İspaniya) 2:2